News Block

ለኦሮሚያ ኢንተርናሽናል ባንክ አ.ማ. ባለአክሲዮኖች

Image: 

የባንኩ ባለአክሲዮኖች  ህዳር 11 ቀን 2008 ዓ.ም. በ6ኛዉ ጠቅላላ ጉባኤ በወሰኑት መሠረት ባንካችን ተጨማሪ አክሲዮኖችን

በተደለደለላቸው መሠረት ለነባር ባለአክሲዮኖች እየሸጠ ይገኛል፡፡ በዚሁ መሰረት ባንካችን ይህ ውሳኔ ተላልፎ በሚመለከተው

መንግስታዊ አካል ከፀደቀበት ቀን ጀምሮ ነባር ባለአክሲዮኖች በያዙት አክሲዮን ልክ አስከ 3 ጊዜ እጥፍ ተጨማሪ አክሲዮኖችን

የመግዛት መብት እንዳላቸዉ በመግለፅ በተከታታይ በሬዲዮ፣ በቴሌቪዥን፣ በጋዜጣ፣ በአጭር የስልክ መልዕክት፣ በስልክ

እንዲሁም በዳብዳቤ ጥሪ ሲያደርግ ቆይቷል፡፡

 

ይሁን እንጂ እስከአሁን ተገቢውን ፎርማሊቲ በማሟላት የተደለደለላቸውን አክሲዮን ቀርበው ያልፈረሙ ባለአክሲዮኖች አሉ፡፡

በመሆኑም የባንካችንን ካፒታል በተቀመጠለት የጊዜ ሰሌዳ መሠረት ማሳደግ እንዲቻል የመጨረሻ ቀነ-ገደብ ማስቀመጥ በማስፈለጉ

ይህ ጉዳይ የሚመለከትዎ ባለአክሲዮን እስከ ሴኘቴምበር 30 ቀን 2017 እ.ኤ.አ (መስከረም 20 ቀን 2010 ዓ.ም.) ድረስ

የነባርነት መብትዎን እንዲጠቀሙ ባንካችን ለአንዴ እና ለመጨረሻ ጊዜ ጥሪውን ያቀርባል፡፡  

 

በዚሁ መሠረት ባለአክሲዮኖች የታደሰ የቀበሌ መታወቂያ/ፓስፖርት/የመንጃ ፈቃድ በመያዝ ቦሌ መንገድ በሚገኘው የባንካችን

ዋና መስሪያ ቤት 10ኛ ፎቅ አክሲዮን ክፍል እራስዎ ወይም በህጋዊ ወኪል አማካይነት በአካል በመቅረብ ተገቢውን ፎርማሊቲ

አሟልተዉ ከተደለደለሎት አክሲዮን ዉስጥ የሚፈለጉትን ያህል ፈርመዉ እንዲገዙ በአክብሮት እንጠይቃለን፡፡ ይህን ጉዳይ በህጋዊ

ወኪል አማካይነት የሚያስፈፅሙ ከሆነ ህጋዊ ወኪልዎ የእርስዎን፣ ባለአክሲዮኑ ሕጋዊ ሰውነት ያለው ድርጅት ከሆነ የማህበሩን

ባለአክሲዮኖች የታደሰ የቀበሌ መታወቂያ/ፓስፖርት/መንጃ ፈቃድ እና የተወካዩን የታደሰ የቀበሌ መታወቂያ/ፓስፖርት/መንጃ

ፈቃድ ከዋናዉ  ጋር  የተመሳከረ ፎቶ ኮፒ ይዞ መቅረብ ይኖርበታል::  

 

የተደለደለልዎትን አክሲዮኖች በተቀመጠው ቀነ-ገደብ መሠረት ቀርበው ተገቢውን ፎርማሊቲ በማሟላት የተደለደለልዎትን አክስዮን

ፈርመው የሚጠበቅብዎትን ክፍያ ካልፈጸሙ ባንኩ ያልተፈረሙትን አክሲዮኖች ያለምንም ተጨማሪ ማስታወቂያ የባንኩ ጠቅላላ

ጉባኤ በወሰነው መሠረት ድርሻቸውን አሟጠው ተጠቅመው ተጨማሪ አክሲዮን የመግዛት ፍላጐት ላላቸው እና ተራ ለሚጠብቁ

ነባር ባለአክሲዮኖች አሳልፎ ለመሸጥ እንደሚገደድ አስቀድመን እናስገነዝባለን፡፡

ኦሮሚያ ኢንተርናሽናል ባንክ አ.ማ

copyright@2016 | Oromia International Bank S.C.

Head Quarter Location

Corporate Site - This is a contributing Drupal Theme
Design by WeebPal.